അര്‍ത്ഥമില്ലാ വചനങ്ങള്‍ ...

 മനസ്സില്‍ തോന്നിയ കുറെ ഭ്രാന്തന്‍ ചിന്തകള്‍ ഇതിനു അര്‍ഥം ഉണ്ട് എന്ന് എനിക്ക് തന്നെ തോന്നുനില്ല ..

ആരെ വിശ്വസിക്കും എങ്ങനെ വിശ്വസിക്കും
കാണുന്നത് സത്യമോ മിഥ്യയോ ..
കേള്‍ക്കുന്നത് ന്യായമോ അന്യായമോ
പറയുന്നത് നല്ലതോ അതോ വിപത്തോ
 കേള്‍ക്കാനും കാണാനും പറയാനും കഴിയാത്തവരെ
നിങ്ങള്‍ക്കീഭൂമിയില്‍ സമാധാനം..ശാന്തി..

രണ ഭൂമിയില്‍ എങ്ങോ ആര്‍ത്തിരമ്പുന്ന സ്വരങ്ങള്‍
അവ വിജയത്തിന്‍റെ ആഹ്ലാദമോ  അതോ
മരണത്തിന്‍റെ അവസാന രോദനങ്ങളോ
പോരാട്ടം കണ്ടു ശിഖണ്ടികളെ പോലെ നോക്കി നില്‍ക്കും പാവം ജനം
അവര്‍ യുദ്ധത്തിന്‍റെ പുക മറയില്‍ ന്യായതിനായി തപ്പി നടക്കുന്നു

ഇന്നത്തെ സത്യം നാളത്തെ കള്ളം
ഇന്ന് വിശ്വസിച്ചു തോളില്‍ ഏറ്റിയവര്‍
നാളെ  നിന്‍റെ നെഞ്ചത്ത് ചവിട്ടി രാജാവാകുന്നു
അവര്‍ നിന്നെ കൊണ്ട് നിന്‍റെ കുഴി മാടം തോണ്ടിക്കുന്നു
നിനക്കായി പോരാടാന്‍ എന്നും നീ മാത്രം എന്ന് നീ ഓര്‍ക്കുക
ബാകി  കൂട്ടാളികള്‍ എന്നും കാണണം എന്നില്ല
എരിഞ്ഞടങ്ങുന്ന സമൂഹത്തിന്‍റെ കൂടെ എരിഞ്ഞടങ്ങുക
അതാണ്‌ സാദാരണകാര നിന്‍റെ വിധി...

ഇതിനൊരു  മാറ്റമില്ലെ
കാണും... മനുഷ്യന്‍ കൊടുമുടി കീഴടക്കി  ആഹ്ലാടിക്കുമ്പോള്‍
അവന്‍ ചവിട്ടി അരച്ച മണ്‍തരികളെ
അവന്‍ ഓര്‍ക്കാറില്ല ..
ഒന്ന് തിരികെ വരണം എന്ന് തോന്നുമ്പോള്‍..
ആ മണ്‍തരികള്‍ നിന്നെ താങ്ങി എന്ന് വരില്ല
അവ നിന്നെ തറയില്‍ വീഴ്ത്തി പരികെല്‍പ്പിക്കാം

മനുഷ്യനും പണവും തമ്മില്‍ പ്രണയത്തില്‍ ആയിരുന്നു

അവരുടെ ജീവിതത്തിലെ വില്ലന്‍ എന്നും മനസാക്ഷി ആയിരുന്നു 

പലപോഴായി അവന്‍ വില്ലനെ കീഴ്പെടുത്തി കാമുകിയെ കൈകലാക്കി
കാരണം അവളെന്ന് പറഞ്ഞാല്‍ അവനു ജീവനായിരുന്നു
ഒരു ദിവസം അവള്‍ അവനെ വിട്ടെറിഞ്ഞ്‌ പോയി
അപ്പോള്‍ മനസാക്ഷി അവനെ നോക്കി കളിയാക്കി ചിരിച്ചു

പാവം പാവം പോത്ത് കുമാരന്‍..

 ഞാന്‍ ഏറ്റവും അധികം അര്‍മാദിച്ചു നടന്ന ഒരു സമയം ആണ് 2003 to 2007 അതായതു പന്ത്രണ്ടു കഴിഞ്ഞു എന്ട്രന്‍സ് എഴുതി നിക്കണ സമയം തൊട്ടു b.tech കഴിഞ്ഞു ജോലിയില്‍ കയറാനായി കാത്തിരിക്കുന സമയം..ജീവിതത്തില്‍ എത്രയും അധികം ആസ്വദിച്ച ,അര്‍മാദിച്ച ഒരു കാലഖട്ടം വേറെ ഒന്നില്ല
മനോഹരമായ സന്ദര്‍ഭങ്ങള്‍ ..ഇപ്പോളും ചിരിപ്പിക്കുന്ന തമാശകള്‍ ,അഭത്തങ്ങള്‍ ,കഥകള്‍,പാരവെപ്പ്..എല്ലാം.യൌവനം തകര്‍ത്ത ആടുന്ന കാലഖട്ടം..
അതിനിടയില്‍ സംഭവിച്ച ഒരു കൊച്ചു കഥ
ഇതിലെ  കഥാപാത്രങ്ങളുടെ ഒറിജിനല്‍ പേര് വെളിയില്‍ ആകിയാല്‍ എന്‍റെ മരണം സുനിശ്ചിതം..അതിനാല്‍ അവരുടെ ഇരട്ട പേരാല്‍ നമ്മുക് സംഭോതന ചെയ്യാം


കഥ നായകന്‍  - പോത്ത് കുമാരന്‍
കഥ നായികാ  - ജാനമ്മ
വില്ലന്‍ - ഓട
ശിങ്കിടികള്‍  - കിളി,തുള്ളി

 ഇന്റര്‍നെറ്റ്‌നമ്മുടെ നാട്ടില്‍ കത്തിജ്വലിക്കാന്‍ തുടങ്ങിയ സമയം..dialupകളുടെ കാലം.യാഹൂ ചാറ്റ് എല്ലാരുടെയും കണ്ണില്‍ ഉണ്ണി ആയിരിക്കുന്ന കാലം..
യാഹൂവില്‍ പോത്ത്‌ ,ഓട,കിളി എന്നിവര്‍ തകര്‍ത്തു ആടുന്ന സമയം.
വളരെ  അടുത്ത സുഹൃത്തുകള്‍ ആയിരുന്ന അവര്‍ പരസ്പരം രഹസ്യങ്ങള്‍ കൈമാറി.ഒരികല്‍  പോത്ത്‌ ജാനമ്മ തന്‍റെ ബന്ധു ആണ് എന്നും മറ്റും കൂട്ടുകാരോട് പറയുകയുണ്ടായി..അങ്ങനെ ഒരു നാള്‍ കിളി പോത്തിനോട് ചോദിച്ചു .'ജാനമ്മ നിന്‍റെ ബന്ധു അല്ലെ അവള്‍ നിന്നെ യാഹൂവില്‍ ആഡ് ചെയ്യട്ടെ എന്ന് ചോദിക്കുന്നു..'.രോഗി ഇചിച്ചതും വൈദ്യന്‍ കല്പിച്ചതും റം എന്ന് പറയും പോലെ പോത്ത്‌ അപ്പോള്‍ തന്നെ ആഡ് ചെയ്തോളാന്‍ പറഞ്ഞു.

ഹൈ പറഞ്ഞു തുടങ്ങി കൂടുതല്‍ പരിചയപെട്ടു .ജാനമ്മ അവന്‍റെ കൂടുതല്‍ കാര്യങ്ങള്‍  തിരക്കി. അതിന്‍ ഇടയില്‍ 'ഓട' പാര പണിതു.പോത്തിന്‍റെ ഇരട്ട പേര്‍ ജാനമ്മക്ക് ഒറ്റി കൊടുത്തു .'ഓട'ക്കും  മറ്റുലവര്‍ക്കും അവനോടു അസൂയ ആണ് എന്നും അവരെ വിശ്വസികരുത് എന്നും പോത്ത്‌ അവളെ അറിയിച്ചു.
അവനു  കാമൂകിമാര്‍ ഉണ്ടോ എന്നും മറ്റും അവള്‍ അവനോടു ആരാഞ്ഞു..

ഹേയ് ഇല്ല എന്ന് കള്ളം പറഞ്ഞു ഒഴിഞ്ഞെങ്കിലും ,'ഓട' ഒറ്റിയത്കാരണം അവനു സത്യം പറയേണ്ടി വന്നു..അവന്‍റെ മുറപെണ്ണായ ലാലനാമണിയോടു ഉണ്ടായിരുന്ന പ്രണയവും.മറ്റും അവന്‍ അവളോടെ പറഞ്ഞു..
അവളെ വിഴുത്താന്‍ ആയി അവനു കോളേജില്‍ വച്ച് അഞ്ചു പെണ്ണുങ്ങള്‍ അവനോടു ഇഷ്ടം പറഞ്ഞു എന്നും എല്ലാരോടും ഇല്ല എന്ന് പറഞ്ഞുഒഴിവാക്കി എന്നും അവന്‍റെ പേരില്‍ ഒരു ഫാന്‍സ്‌ അസോസിയേഷന്‍ തന്നെ കോളേജില്‍ ഉണ്ടായിരുന്നു എന്നും പറഞ്ഞു ഗുണ്ട് അടിച്ചു.. 

.അവളും അവനോടു ഹൃദയം തുറന്നു സംസാരിച്ചു.അവള്‍ വീട്ടില്‍ ഏക ആണ് എന്നും.ഏകാന്തത അവളെ വേട്ട ആടുന്നു എന്നും അവള്‍ അവനെ അറിയിച്ചു. ഹൃദയം കൈമാറി തുടങ്ങിയ നിമിഷങ്ങള്‍.
തന്‍റെ പ്രണയം അവള്‍ മനസിലാകി എന്നാ സന്തോഷത്തില്‍ തനിക്ക് പാരയായി നില്‍ക്കുന്ന ഓട,കിളി  എന്നിവരെ തെറി വിളിച്ചു.


അങ്ങനെ ഒരു നാള്‍ തമ്മില്‍ കാണാന്‍ തിടുക്കമായി എന്ന് അവള്‍ അവനോടു പറഞ്ഞു.. നാളെ മൂന്ന് മണിക്ക്  കരയോഗം ഹൈസ്കൂളിന്റെ മുന്നില്‍ കറുത്ത ഷര്‍ട്ടും കറുത്ത ട്രൌസറും ഇട്ടു വരാന്‍ പോത്തിനോട് അവള്‍ പറഞ്ഞു.പോത്തിന്‍ മനസ്സില്‍ ഒരു ലഡ്ഡു പൊട്ടി.
ആ ദിവസം സ്ഥിരമായി 28 കളിയ്ക്കാന്‍ കൂടുമായിരുന്ന കിളിയുടെ വീട്ടില്‍ ഒരു 2.30  ഓടെ ടിയാന്‍ എത്തി ചേര്‍ന്നു..കളി തുടങ്ങി കുണ്‌ക്കുകള്‍ പലതായി..അങ്ങനെ മൂന്ന് മണി അടിക്കാന്‍ അഞ്ചു മിനിറ്റ് ഉള്ളപ്പോള്‍ 'വീട്ടില്‍ പോകണം വെളിയില്‍  പോകാന്‍ ഉണ്ട് ' എന്നും പറഞ്ഞു അവന്‍ ഇറങ്ങി.

അവളെയും  കാത്തു പോത്ത്‌ കരയോഗം ഹൈസ്കൂളിന്റെ മുന്നില്‍ കുറ്റി അടിച്ചു നില്‍ക്കുന്ന സമയം ,സമയം കഴിഞ്ഞിട്ടും അവളെ കാണാന്‍ ഇല്ല. അങ്ങനെ ഇരിക്കുമ്പോള്‍ ആണ് ഓടയും തുള്ളിയും തുള്ളിയുടെ ശകടത്തില്‍  അവന്‍റെ അടുത്ത് വന്നത്.
ഓട : 'എന്താടാ ഇവിടെ?'
പോത്ത്‌ : 'അത് എവിടെ അടുത്തുള്ള ഒരു ചേട്ടന്‍റെ വീടിന്ന് മാവ് മേടിക്കാന്‍ വന്നതാ '
തുള്ളി : 'ചേട്ടന്‍റെ വീട് നിനകയറിയില്ല??'
പോത്ത്‌ : 'ഇവിടെ നില്ല്കാന്‍ ആണ് ചേട്ടന്‍  പറഞ്ഞത്.നിങ്ങള്‍ എന്താ ഇവിടെ '
തുള്ളി  : 'ഞങ്ങള് പണിക്കരുടെ വീടിലേക്ക് ഒന്ന് ഇറങ്ങിയതാ CD മേടിക്കാന്‍  ..എന്നാ ശരി ഞങ്ങള്‍ പോകുന്നു '

ഈ  സംഭാഷണത്തിന് ഇടയില്‍ പോത്തിന് എന്തോ ചീഞ്ഞു നാറുന്നു എന്നൊരു തോന്നല്‍ ഉണ്ടായി..
അവന്‍ പയ്യെ  തിരിച്ചു നടന്നു..
കിളിയുടെ വീട്ടിലേക്കുള്ള ഇടവഴിയില്‍ എത്തി ..
അപ്പോള്‍ അതാ കിളി വയ്യാത്ത കാലും വച്ച് ഞൊണ്ടി ഞൊണ്ടി അവിടെ നില്‍ക്കുന്നു..

പോത്ത്‌: 'കിളി നമ്മള്‍ ഒന്നും അല്ലേല്‍ കൂട്ടുകാര്‍ അല്ലെ?എന്നോട് നീ സത്യം പറ'

കിളി പിന്നെ എല്ലാ സത്യവും പറഞ്ഞു..ജാനമ്മ എന്നാ യാഹൂ പേര്‍ ഓട ഉണ്ടാക്കിയ വ്യാജന്‍ യാഹൂ id ആണ് എന്നും..അവന്‍ ആണ് ജാനമ്മയുടെ പേരും പറഞ്ഞു നിന്നെ പറ്റിച്ചത് എന്നും..എല്ലാ സത്യവും കിളി പോത്തിനോട് പറഞ്ഞു..അവന്റെ ഹൃദയം വിണ്ടു കീറുന്നതായി അവനു തോന്നി.. കൂട്ടി വച്ച സ്വപ്നങ്ങള്‍ എല്ലാം ആ നാറി ബോംബ്‌ ഇട്ടു തകര്‍ത്തു.. അവന്‍റെ ഹൃദയം തെങ്ങി. അവന്‍റെ രഹസ്യങ്ങള്‍ കൂടുകാര്‍ അറിഞ്ഞു.അവന്‍ പറ്റിക്കപെട്ടു.. ചതി വഞ്ചനാ !!!...
കിളിയുടെ വീട്ടില്‍ തിരിച്ചെത്തി ഓടക്കു രണ്ടെണ്ണം പൊട്ടിച്ചു..എന്നിട്ട് കൂട്ടുകാരുടെ  കളിയാകല്‍ സഹിക്കാന്‍ വയ്യാതെ അവന്‍ അവിടുന്ന് ഇറങ്ങി..തിരികെ വിളിച്ച കൂട്ടുകാരോട് അവന്‍ എങ്ങനെ പറഞ്ഞു..'എനിക്ക് ഫീല്‍ ഒന്നും ആയില്ല കേട്ടോ'.. അത് പറഞ്ഞപ്പോള്‍ അവന്‍റെ മുഖത്തെ ആ ചമ്മല്‍ ,ദുഃഖം ,ദേഷ്യം,എല്ലാം കൂടി കലര്‍ന്ന ആ ഭാവം അതിപോളും മായാതെ കൂടുകാരുടെ മനസ്സില്‍ കിടക്കുന്നു..അത് പറഞ്ഞു അവനെ ഇപ്പോളും കളിയകാറുണ്ട്..

എങ്ങനെ നിങ്ങള്‍ക്കും സ്വാമിജി ആകാം

ഭാരത ദേശത്ത് സ്വമിജിമാരെയും മനുഷ്യദൈവങ്ങളെയും കൊണ്ട് നിറഞ്ഞു ഒഴുകുന്നു..നിങ്ങള്‍ക്കും അവരെ പോലെ ഒരാള്‍ ആവാം..

താങ്കള്‍ക്ക് ആദ്യം വേണ്ടത്

പേര്  : ഇതു പേര് ആയാലും അതിന്റെ മുമ്പില്‍ എത്ര ' ശ്രീ ' ചെര്‍കാമോ അത്രേം..പിറകില്‍ 'സ്വാമി ','തിരുവടികള്‍','ആനന്ത','ദേവ്' ഇതില്‍ ഏതേലും ഒന്ന്
തോലികട്ടി-പോത്തിന്‍ അത്രേം
നുണ പറയാന്‍ ഉള്ള കഴിവ് - അത്യാവശ്യം
ആളെ  പറ്റിക്കാന്‍ ഉള്ള കഴിവ് - അനാവശ്യത്തിനു.
ഏതേലും അഭ്യാസം  - യോഗ,മതം,മാന്ത്രികം,കൂടോത്രം ഇതില്‍ ഏതേലും ഒന്ന് അല്ലേല്‍ എല്ലാം..
വിദ്യാഭ്യാസം - വളരെ കുറച്ചു..
ദുശീലം - കഞ്ചാവ്,പെണ്ണ്പിടി(മദ്യപാനം എന്തായാലും വേണം)
കാശു- അനാവശ്യത്തിനു.(ഇല്ലേലും കുഴപമില്ല).

ആദ്യമായി വേണ്ടത് വിശ്വസ്തരായ കൊറച്ചു ശിങ്കിടികളെ /ഗുണ്ടകളെ ആണ്..
അവരായിരിക്കും താങ്കളുടെപ്രഥമ ശിഷ്യന്മാര്‍..
തെരഞ്ഞെടുകുമ്പോള്‍ പ്രത്യേകം ശ്രദ്ധികേണ്ടത് - കുരുട്ടുബുദ്ധി,തടിമിടുക്കു,എല്ലാം നല്ലത് പോലെ...
ആളെ കിട്ടാന്‍ ബുദ്ധിമുട്ടണേല്‍ സെന്‍ട്രല്‍ ജയില്‍ഇല്‍ തപ്പിയാല്‍ മതി..ആരേലും കിട്ടും,...
പിന്നെ  കൊറച്ചു ദരിദ്രവാസി മദാമകളും സായിപ്പന്മാരും..കൊറച്ചു കാശ് മുടക്കിയാലും അതിനുള്ള ഗുണം തീര്‍ച്ചയായും കിട്ടും..

അടുത്തതായി സ്ഥാനം ഉറപ്പിക്കാന്‍ പറ്റിയ സ്ഥലം...
വിദ്യാഭ്യാസം വളരെ കുറച്ചുള്ള നാട്..കേരളം അതിനു പറ്റിയ സ്ഥലം അല്ല ..നിങ്ങളെ ചിലര്‍ക്ക് വേഗം പിടിക്കാന്‍ കഴിഞ്ഞേക്കും..സാക്ഷരത കുറവും അന്ധവിശ്വാസം  വളരെ അധികവും ഉള്ള  നാട് ആകണം നിങ്ങളുടെ സാമി പണി തുടങ്ങാനുള്ള ആദ്യ സ്ഥലങ്ങള്‍...
ഒന്ന്  പച്ചപിടിചതിനുശേഷം ബാകി സ്ഥലങ്ങളിലേക്ക് വലുതാകവുനതാണ്..

ലക്‌ഷ്യം  ഇടേണ്ടത്..
തരുണിമണികള്‍,വീട്ടമാമാര്‍,അന്ധവിശ്വാസികള്‍,മതബ്രന്തന്മാര് തുടങ്ങിയ വിഭാഗം..
യോഗയില്‍ ആണ് specialization എങ്കില്‍ തരുണി മണികള്‍,
മാന്ത്രികം കൂടോത്രം എന്നിവയില്‍ ആണേല്‍ വീട്ടമാമാരും അന്ധവിശ്വാസികലും.
 അങ്ങനെ ആളും തരവും തരംഗവും നോക്കി ലക്‌ഷ്യം ഇടണം

ജനശ്രദ്ധ നേടാന്‍..
നിങ്ങളുടെ ശിഷ്യരുടെ സഹായത്തോടെ ചില പൊടികൈ വിദ്യകള്‍ ഇറക്കുക..
ചില  ഉദാഹരണങ്ങള്‍

ശിഷ്യരെ അവശരായി വേഷം കെട്ടി കൊണ്ടുവന്നു താങ്കളുടെ സ്പര്‍ഷനതാല്‍ സുഖം പ്രപ്പികുന്നു..
വായുവില്‍ നിന്നും അരഞ്ഞാണം..(പൊടികൈ വിദ്യ..കൂടുതല്‍ വിവരങ്ങള്‍ക്ക് ഗൂഗിള്‍ സെര്‍ച്ച്‌)
കുടവയറന്‍മാരായ ശിഷ്യരെ പട്ടിണിക്കിട്ടു താങ്കളുടെ യോഗ കാരണം ആണ് ഇതു സംഭവിച്ചത് എന്ന് വരുത്തി തീര്‍ക്കുക ..
മതപരമായ വിവാദ പ്രസ്താവനകള്‍ ഇറക്കുക..
കൈകൂലിക്ക് എതിരെ പ്രസ്താവനകള്‍ ഇറക്കുക...
പറക്കാന്‍  ഉള്ള കഴിവ് തരാം എന്ന് വാഗ്ദാനം നല്‍കി കഞ്ചാവ് വലിപ്പികുക..(പിന്നെ താനേ പറക്കും.)



അങ്ങനെ കാലാനുസൃതമായി പ്രവര്‍ത്തിക്കുക...
അനാഥ മന്ദിരത്തിന്റെ പേരും പറഞ്ഞു വിദേശ സ്വദേശ സംഭാവനകള്‍ പിരിച്ചു സ്വാമിജി ബിസ്നെസ്സ് വ്യപിപിക്കുക..
ബാകി രാഷ്ട്രിയകരെയും പോലിസുകാരയും മറ്റു സ്വമിജിമാരുമായി ദാരണയില് ഏത്തുക
സംഖടന രൂപികരിക്കുക.
ടീവിയില്‍ ഉപദേശം നല്‍കുക..
വിദേശ പത്രകാര്‍ വരുമ്പോള്‍ കഞ്ചാവ് വലികുക..ഇംഗ്ലീഷ് തനിയെ വരും..
ഇടക്ക്  ഇടക്ക് ഒരു കേസ് തനിയെ ഉണ്ടാക്കി താങ്കള്‍ക്ക് ജനപിന്തുണ ഉണ്ടെന്നു ഉറപ്പുവരുത്തുക...

കൂടുതല്‍ ഉപദേശവും കുരുട്ടു ബുദ്ധിയും കിട്ടാന്‍ ആയി 99$ അടച്ചു സബ്സ്ക്രിബ്‌ ചെയ്യുക  ഇല്ലേല്‍ ഒരു അഞ്ചു രൂപയെങ്കിലും താടെ ...:-P

ഇതു ദയവു ചെയ്തുസീരിയസ് ആയി എടുകരുത്..എല്ലാ സ്വാമിമാരും കള്ളനമാരല്ല..എന്നാല്‍ ചിലര് പെരുങ്കള്ളന്മാരന്.. അവരെ വിശ്വസിക്കുന്ന ആരാധിക്കുന്ന  പാവം ജനത്തെ ഓര്‍ത്തു ദുഖിക്കുന്നു...

രണ്ടു നാനോകഥകള്‍...

ഒന്ന് - വിമാനം പറത്തല്‍

പന്ത്രണ്ടില്‍  പഠിക്കുന്ന കാലം,സൈക്കിള്‍ ചവിട്ടി നടന്നു tutionകള്‍ക്ക് പോകുന്ന കാലം..കൊറേ നാളത്തെ പിടിവാശിക്ക് വഴങ്ങി വിജയദശമി നാളില്‍ അച്ഛന്‍ kinetic honda ഓടിക്കാന്‍ പഠിപ്പിച്ചു.അച്ഛന്‍ പുറകില്‍ ഇരിക്കുമ്പോള്‍ പതുക്കയെ ഓടികുകയുള്ള് കാരണം നാല്പതില്‍ കൂടിയാല്‍ അച്ഛന്‍ ചെവിക്കു പിടിക്കും.ഒറ്റയ്ക്ക് ഒരു നാള്‍ ഓടിക്കാന്‍ കിട്ടുന്ന അവസരത്തിനായി ഞാന്‍ കാത്തിരുന്നു..അങ്ങനെ പ്രധാന പരീക്ഷ അടുത്ത് വരുന്ന സമയം..ഞാന്‍ ചവിട്ടി തളരണ്ട എന്ന് കരുതി അച്ഛന്‍ വണ്ടി എടുത്തോ എന്ന് പറഞ്ഞു. കേട്ട് മുഴുവിക്കുനതിനു  മുന്നേ ഞാന്‍ വണ്ടിയും എടുത്തു ഇറങ്ങി...ചാവാലി പട്ടിക്ക് എല്ലിന്‍ കഷ്ണം കിട്ടിയത് പോലെ ഞാന്‍ കത്തിച്ചു വിടാന്‍ തുടങ്ങി. ബുംപുകളില്‍ ചാടി രസിച്ചു..വളരെ ചുരുക്കം മാത്രം ബ്രേക്ക്‌ പിടിച്ചു. ചുറ്റി നടക്കുന്ന സമയം. എന്‍റെ ജാഡ കണ്ടിട്ട് tution classഇലെ 'പോത്ത് കുമാരന്‍' മല്‍സരത്തിനു വിളിച്ചു...എന്നാ ശരി ..എന്ന് വച്ച് മല്‍സരം തുടങ്ങി. കത്തിച്ചു പറക്കുന്ന സമയം..വളവില്‍ ബ്രേക്ക്‌ പിടിക്കണം എന്നാ കാര്യമൊക്കെ മറന്നു..വളവില്‍ ചരല്‍ ഒരു പാരയായി കിടക്കുനത് ഞാന്‍ കണ്ടില്ല..ചരലില്‍ കൂടി ചാറകി സൈകാളില്‍ നില്കുവയിരുന്ന പാല്‍കാരന്‍റെ മുന്നില്‍ തൊട്ടു തോട്ടില എന്നാ രീതിയില്‍ വന്നു നിന്നു. അച്ഛന്‍റെ പരിചയത്തിലുള്ള ആരെങ്കിലും കാണുനതിനു മുന്നേ സ്കൂട്ട് ആകണം ...അപ്പോള്‍ കണ്ടു നിന്ന പാല്‍കാരന്‍...'വിമാനം കൊണ്ട് ഇറകണ പോലെ അല്ലെ മൈ *** കൊണ്ട് ഇറക്കിയത്'..കൂടുതല്‍ കേള്‍ക്കുനതിനു മുന്നേ ഞാന്‍ സ്ഥലം കാലി ആകി...അച്ഛന്‍റെ അടുത്ത് കേരളത്തിലെ റോഡുകളെയും ഓടിക്കുനവരെയും കൂറ്റകാരക്കി  കേസ് ഫയല്‍ ചെയ്തു തടി തപ്പി...പിന്നെ കുറച്ചു നാളത്തേക്ക് ഞാന്‍ പിന്നെ വിമാനം പറതീട്ടില...

രണ്ടു : പോലീസിനെ കണ്ടാല്‍ ...

 പന്ത്രണ്ടിലെ പരീക്ഷയൊക്കെ കഴിഞ്ഞു അവധിക്കാലത്ത്..വീടിനു അടുത്തുള്ള വായനശാലയിലെ കോട്ടയം പുഷ്പനാഥ് ,ബാറ്റൊന്‍ ബോസ്സ്,മെഴുവേലി ബാബുജി,ഏറ്റുമാനൂര്‍ ശിവകുമാര്‍, എന്നിവരുടെ ക്രൈം ത്രില്ലര്‍ ,പ്രേതകഥകള്‍ എല്ലാം വായിച്ചു തീര്‍ന്ന സമയത്ത്..കൂട്ടുകാരുടെ കൂടെ ക്രിക്കറ്റ്‌ കളിയ്ക്കാന്‍ പോകുമായിരുന്നു..വാറുണ്ണിയുടെ വീടിന്‍റെ അടുത്തുള്ള ഒരു കാവാണ് നമ്മുടെ ക്രിക്കറ്റ്‌ ഗ്രൌണ്ട്.കാവിന്‍റെ ഉടമസ്ഥന്‍ പലപ്പോഴും കളികരുത് എന്ന് പറഞ്ഞെങ്കിലും അത് വക വെക്കാതെ ആണ്  നമ്മുടെ കളി...സാദാരണ പന്ത് അടിച്ചു  മതിലിനപ്പുറം കളഞ്ഞാല്‍ ടേണ്‍ അനുസരിച്ച് മതില്‍ ചാടണം..ഞാന്‍ എന്‍റെ വണ്ണം പറഞ്ഞു ചാടുനത്തില്‍ നിന്നും ഒഴിവാകും,പിന്നെ ബോള്‍ അടുതുടെ പോയാലും എടുക്കാന്‍ ഞാന്‍ ഒരു വട്ടം കൂടി ചിന്തിക്കും.അത്രയ്ക്ക് ഉത്സാഹം ആയിരുന്നു അന്നത്തെ കാലത്ത്.അങ്ങനെ ഒരു ദിവസം കാവിന്‍റെ ഉടമസ്ഥന്‍ പോലീസില്‍ പരാതി കൊടുത്തു.ഞങ്ങള്‍ തകര്‍ത്തു കളിക്കുന്ന സമയത്ത് അതാ പോലീസ്..കൂട്ടുകാരെല്ലാം ഓടി തള്ളി മതില്‍ ചാടി..ചാടി കഴിഞ്ഞു ഒരാള്‍..'തുള്ളി എവിടെ?? അവനെ പോലീസ് പിടിച്ചോ??.' എന്നും പറഞ്ഞു എത്തി നോല്കുന്ന സമയം. പുറകില്‍ നിന്നൊരു ശബ്ദം ' ഞാന്‍ ഇവിടെ തന്നെ ഉണ്ട്'.. അങ്ങനെ മതില്‍ ചാടാതെ ഒഴിവു പറഞ്ഞു നടന്ന ഞാന്‍ പിടിക്കപെട്ടു..പോലീസിനെ കണ്ടാല്‍ ഏതു മതില് ചാടതവനും ചാടി പോകും എന്ന് എനിക്ക് അന്ന് മനസിലായി...

RAPe Music

2010 മലയാളത്തിനു നല്‍കിയത് എന്താണ് ??
ഗാനങ്ങളുടെ കണക്ക്‌ എടുകുവണേല്‍
നല്ല ഗാനങ്ങളെകാളും നല്‍കിയത് ഒരു പുതിയ ഗാന ശ്രിംഖല തന്നെ ആണ്...
തുടക്കം ഇട്ടതു ഇതിന്‍റെ പിതാവായ ഹരിശങ്കര്‍...സില്‍സില എന്നാ ഗാനം ഇറക്കികൊണ്ട് മലയാളികളെ കൊണ്ട് പുതിയ തെറികള്‍ കണ്ടു പിടിപ്പിച്ചു..nurseryഇല്‍ പഠിക്കുന്ന കൊച്ചു മുതല്‍  തുടങ്ങി സകല മലയാളികും (ഹരിശങ്കര്‍ ഒഴിച്ച് ) തെറിയുടെ പുതിയ മാനം കണ്ടുപിടിച്ചു..
negative publicity എന്നാ പുതിയ ആയുധം എടുത്തു കൊണ്ട് അങ്ങേരു അങ്ങനെ ഫേമസ് ആയി..
അതിന്‍റെ തുടര്‍ച്ചയെന്നോണം ഒരു പറ്റം വേറെ പാട്ടുകളും

Silsila

Lalula

SMS Kuttan

Njan kettiya Penn 

Krishanum radhayum

Anganavadiyile teacher

ഈ പുതിയ ഗാന ശ്രിംഖല നമ്മുക്കു എങ്ങനെ ഫലപ്രദമായി ഉപയോഗികാം എന്നലോചിക്കാം .

1. കോടതിക്ക് പുതിയൊരു ശിക്ഷ തന്നെ നിലവില്‍ കൊണ്ടുവരാം..
3 വര്ഷം തടവിനു പകരം  krishnanum radhayum  30 തവണ  തുടര്‍ച്ചയായി കാണുക..

2. കോമയില്‍ കിടക്കുന മനുഷ്യനെ sms  കുട്ടന്‍ കേള്‍പ്പികുക ..ചാകാന്‍ കിടകുവാന്നെലും ‌ വന്നു തല്ലിയിട്ടെ പോകു..

3. ഒളിച്ചിരിക്കുന കള്ളന്മാരെ വെളിയില്‍ കൊണ്ടുവരാന്‍ lalula  ഗാനം പ്ലേ ചെയ്യുക ..കള്ളന്‍ തനിയെ ചാടി വെളിയില്‍  വന്നോളും..

4. ജലപീരങ്കി ,കണ്ണീര്‍ വാതകം എന്നിവയ്ക്ക് പകരം ഈ ഗാനങ്ങള്‍ loudspeakerഇല്‍ പ്ലേ ചെയ്യുക..

എന്തോകെയായാലും ഇതു നില്‍ക്കാന്‍ പോണില്ല.. Rap music എന്നാ ഗാന മേഖല പോലെ പുതിയ ഒരു ഗാന മേഖല Rape music..

എത്ര ആഹാരം വേണേലും കഴിക്കാം പക്ഷെ വളി വിട്ടു നാറ്റിക്കരുത്  എന്ന് പറയും പോലെ എത്ര വൃത്തികെട് ആണേലും അതു ഉണ്ടാകാം  പക്ഷെ അത് വെളിയഇല്‍ വിട്ടു നാറ്റികാനോ സോദര??...

രഹസ്യം

ആരോടും പറയാത്ത  രഹസ്യം
പറഞ്ഞു തീരാന്‍ ആകാത്ത  രഹസ്യം
ഉള്ളില്‍ പടച്ചവന്‍ ഒളിപിച്ച രഹസ്യം

തുടിക്കുന്ന ആ ഹൃദയ രഹസ്യം
നിന്നെ കണ്ട നാള്‍ മുതല്‍ തുടിക്കുന്നാ ആ രഹസ്യം
നമ്മുടെ  ജീവിത രഹസ്യം
പറയുവാന്‍ ആകാതെ ഞാന്‍ മറച്ച ആ രഹസ്യം
നിന്നിലെ പുഞ്ചിരി ഉണര്‍ത്തിയ രഹസ്യം
ഒരുപാടു നാളായി എന്നെ അലട്ടിയ  രഹസ്യം

ആ രഹസ്യം എന്നും രഹസ്യമായി തന്നെ ഇരുനോട്ടെ ...
എന്തിനു വെറുതെ ആ രഹസ്യത്തിന്‍റെ സുഖം കളയണം...